AMEA Məhəmməd Füzuli adına Əlyazmalar İnstitutunun “Türkdilli əlyazmaların tədqiqi” şöbəsinin aparıcı elmi işçisi, filologiya üzrə fəlsəfə doktoru, dosent Əli Əliyevin (Əli Məmmədbağıroğlu) yeni monoqrafiyası “Elm və təhsil” nəşriyyatı tərəfindən nəfis tərtibatda çap olunub. XVII əsrdə köçürülmüş Azərbaycan əlyazma kitablarının paleoqrafik və mətnşünaslıq məsələlərinin araşdırılmasına həsr olunan “XVII əsr Azərbaycan əlyazma kitabı” adlı monoqrafiyada minillik kitab tariximizin ayrı-ayrı tarixi mərhələlərdə sahib olduğu əlamətlər müqayisəli şəkildə oxuculara təqdim olunur.

Kitabşünaslıq, mətnşünaslıq mütəxəssislər və bu sahə ilə maraqlanan geniş oxucu kütləsi üçün nəzərdə tutulan həmin kitabın elmi redaktoru filologiya üzrə elmlər doktoru Paşa Kərimov, rəyçiləri isə filologiya üzrə elmlər doktorları Azadə Musayeva və Kamil Allahyarovdur.

manuscript.az